bade afsar ki mej par baithi chumbak!!

Thaat se


Ek bade afsar ki mej

Par kone mein sareekhe se sambhli

Lal rang ki chaukor tashtari mein rakhi choti se chumbak hoon!!



mere kheenchaav mein bandhi kai

Chamkili all pinein

Jo bade bade dastavejon ko lag

Unhe saalon ek mej se doosri mej ghoom phir almariyon mein band

Aaj jeevan sambhala karti hain!!



Khwaab mera bhi tha

Apne kheenchaav ko

Ab se zyaada zordaar karne ka

Prashant mahasagar ki saari lehron ko apni taraf kheenchne ka

par unhe rakhne ko

khud mein gehrai ke liye khudai karni hoti

Apne ko khali kar lehron ki jagah banani hoti

Phir socha alaknanda ki chotti

Ko kheenchoo

Par kaise khadi karti hazron meter ki unchaancyi

Khud par?

Ki uski shikha ko swaym par sama pAati





Dard utha apne ko khali karte hue

Bhaar tha aakash ka jo vishaal aatalikaon ke beech khada hokar uthana padta
Ek pal mein sab dher kar

Apne chote se kheenchaav

Ko samet in allpino beech apni duniya mein wapas chali aayi!





Baanye taraf padi ghanti ki trin trin

Aur daanyi taraf shyahidaan

Us bade afsar ki mej

Par thaat se

baithe baithe unhi

Mujhe apni kahani yaad aayi!!